ഹിന്ദു കൊറോണയ്ക്കും മുസ്ലീം കൊറോണയ്ക്കും പ്രത്യേക വാർഡ്.. ഇത് ഗുജറാത്ത് മോഡൽ

Sharing is caring!

അഹമ്മദാബാദിൽ കൊറോണ ബാധിർക്ക് മതം നോക്കി വാർഡ് ക്രമീകരിച്ചതായി വാർത്ത. ആശുപത്രിയില്‍ ഹിന്ദു-മുസ്ലീം പ്രത്യേക വാര്‍ഡ് ക്രമീകരിച്ചതായാണ് ഇന്ത്യൻ എക്സ്പ്രസ് പ്രസിദ്ധീകരിച്ച വാർത്തയിൽ പറയുന്നത്. സര്‍ക്കാര്‍ തീരുമാന പ്രകാരമാണ് ഇങ്ങനെ വാർഡൊരുക്കിയതെന്നും വിശദീകരണമുണ്ട്.

ഹിന്ദുക്കള്‍ക്കും മുസ്ലീങ്ങള്‍ക്കുമായി പ്രത്യേക വാര്‍ഡാണ് 1200 കിടക്കകളുള്ള അഹമ്മദാബാദിലെ സിവില്‍ ആശുപത്രിയില്‍ സജ്ജീകരിച്ചിരിക്കുന്നത്. സംസ്ഥാനസര്‍ക്കാരിന്റെ നിര്‍ദേശപ്രകാരമാണ് ഇത്തരത്തിലുള്ള ക്രമീകരണമെന്നാണ് ആശുപത്രി അധികൃതരുടെ വിശദീകരണം. സാധാരണ രീതിയില്‍ സ്ത്രീകള്‍ക്കും പുരഷന്മാര്‍ക്കും എന്ന രീതിയിലാണ് പ്രത്യേക വാര്‍ഡുകള്‍ ഉണ്ടാകുന്നത്. എന്നാല്‍ ഇവിടെ ഹിന്ദുക്കള്‍ക്കും മുസ്ലീങ്ങള്‍ക്കുമാണ് പ്രത്യേക വാര്‍ഡ് തയ്യാറാക്കിയിരിക്കുന്നത്.

ആശുപത്രിയില്‍ നിരീക്ഷണത്തിലുണ്ടായിരുന്ന 186 പേരില്‍ 150 പേര്‍ക്ക് ഇതിനകം രോഗം സ്ഥിരീകരിച്ചിട്ടുണ്ട്. ഇതില്‍ നാല്‍പതോളം പേര്‍ മുസ്ലീങ്ങളാണെന്നാണ് റിപ്പോര്‍ട്ട്. ഞായറാഴ്ച രാത്രിയാണ് തങ്ങളെ പ്രത്യേക വാര്‍ഡുകളിലേക്ക് മാറ്റിയതെന്ന് ആശുപത്രിയില്‍ ചികിത്സയിലുള്ളവര്‍ ഇന്ത്യന്‍ എക്‌സ്പ്രസിനോട് പറഞ്ഞു.

സംസ്ഥാനസര്‍ക്കാരിന്റെ നിര്‍ദേശ പ്രകാരമാണ് ഇങ്ങനെ വാർഡൊരുക്കിയതെന്ന് ആശുപത്രി സൂപ്രണ്ട് ഡോ ഗുണ്‍വത് എച്ച് റാത്തോഡ് പറഞ്ഞു. എന്നാല്‍ ഗുജറാത്ത് ഉപമുഖ്യമന്ത്രിയും ആരോഗ്യമന്ത്രിയുമായ നിതിന്‍ പാട്ടേല്‍ സംഭവത്തെ കുറിച്ച് യാതൊരു അറിവുമില്ലെന്നാണ് പ്രതികരിച്ചത്.

മതത്തിന്റെ അടിസ്ഥാനത്തില്‍ രോഗികള്‍ക്ക് പ്രത്യേക വാര്‍ഡ് തയ്യാറാക്കാന്‍ നിര്‍ദേശം നല്‍കിയതായി തനിക്ക് യാതൊരു അറിവുമില്ലെന്നും, സംഭവത്തെ കുറിച്ച് അന്വേഷിക്കുമെന്നും ഉപമുഖ്യമന്ത്രി അറിയിച്ചിട്ടുണ്ട്. ഇങ്ങനെ ഒരു സര്‍ക്കാര്‍ ഉത്തരവ് സംബന്ധിച്ച് യൊതൊരു വിവരവുമില്ലെന്ന് അഹമ്മദാബാദ് കളക്ടര്‍ കെകെ നിരലയും പ്രതികരിച്ചു.

കൊവിഡ് 19 രോഗികളെയും നിരീക്ഷണത്തില്‍ കഴിയുന്നവരെയും മതത്തിന്റെ അടിസ്ഥാനത്തില്‍ വേര്‍തിരിച്ച വാർത്ത വന്നതോടെ ഗുജറാത്ത് മോഡൽ വീണ്ടും ചർച്ചയായി. ഗുജറാത്ത് മോഡൽ വികസനം ഹിന്ദു-മുസ്ലീം വേർതിരിവാണോയെന്ന ചോദ്യവുമായി സോഷ്യൽ മീഡിയയിൽ പ്രചരണം ആരംഭിച്ചു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com